NextGen Research Hub

سياسة الخصوصية

بياناتك بنستخدمها في إيه، وإزاي بنحميها.

بنلتزم بقانون حماية البيانات الشخصية المصري رقم 151 لسنة 2020. الكلام هنا بسيط ومباشر، ولو عندك أي سؤال كلّمنا على واتساب.

إحنا مين

NextGen Research Hub، شركة تدريب على البحث العلمي الطبي في مصر. للتواصل بخصوص بياناتك: واتساب +20 15 57039115.

الصفحة دي نفسها

الموقع ده صفحة تعريفية. مش بيطلب منك أي بيانات، ومفيهوش كوكيز تتبّع ولا إعلانات. بنعدّ الزيارات بس (كام واحد فتح أنهي صفحة وجه منين) بأداة Cloudflare Web Analytics، اللي مش بتحط كوكيز ولا بتعرف إنت مين. لما تدوس «احجز» أو «واتساب» بتتنقل لواتساب أو لفورم الحجز بتاعنا. ولو شغّلت فيديو في صفحة «ابدأ ببلاش»، الفيديو بيشتغل من يوتيوب (بالوضع اللي بيقلّل الكوكيز)، ومش بيتحمّل غير لما تدوس عليه.

البيانات اللي بنجمعها لما تحجز أو تكلّمنا

  • اسمك، ورقم الواتساب، والإيميل.
  • الجامعة والكلية والتخصص وخبرتك البحثية، لو جاوبت عليها.
  • البرنامج والويف اللي اخترتها، وإيصال التحويل اللي بترفعه، والرقم اللي حوّلت منه (علشان نطابق التحويل بالإيصال ونأكد دفعتك). مش بنطلب ولا بنحفظ أرقام كروت أو أرقام حسابات بنكية.
  • المصدر اللي جيت منه (زي إعلان على فيسبوك)، علشان نعرف إعلاناتنا بتوصل لمين.

بنستخدمها في إيه

  • نتواصل معاك بخصوص الحجز، ونأكد الدفع، ونبعتلك مواعيد البرنامج وجروب الويف.
  • نعمل حسابك على صفحة الطالب، ونتابع الأقساط والمشاريع البحثية والشهادة.
  • نقيس إعلاناتنا: لما الحجز يتأكد، بنبعت لميتا (فيسبوك) إشارة إن الحجز حصل، ومعاها رقمك وإيميلك متشفّرين (hashed) بطريقة ماتسمحش لحد يقراهم. ده علشان ميتا تعرف أنهي إعلان جاب حجز، من غير ما ندّيهم بياناتك نفسها.

بنحفظها فين

بيانات الحجز والطلبة متخزّنة على سيرفرات في ألمانيا (Frappe Cloud)، ومحمية بتسجيل دخول قوي لفريق العمل. الإيصالات ملفات خاصة، مقفولة على فريق الحسابات المسؤول بس. وبناخد نسخ احتياطية متشفّرة.

مين بيشوفها

فريق الحجز والمحاسب والإدارة، كل واحد على قد شغله بس. مش بنبيع بياناتك ولا بنديها لحد، غير الإشارة المتشفّرة لميتا اللي فوق، والخدمات اللي بنشغّل بيها السيستم نفسه: الاستضافة (Frappe Cloud)، وإرسال الإيميلات (Brevo)، وحماية الموقع (Cloudflare)، والنسخ الاحتياطية المتشفّرة (Google Drive). دول بيستخدموها لتشغيل الخدمة بس.

خلي بالك من النصب

إحنا عمرنا ما هنطلب منك باسورد أو كود دخول أو رقم كارت، لا على واتساب ولا على أي مكان. والحسابات اللي بتحوّل عليها هي اللي ظاهرة في فورم الحجز بتاعنا بس، ومش بنغيّرها برسالة. لو حد كلّمك باسمنا وطلب حاجة من دول، متبعتش وكلّمنا على الرقم اللي فوق.

حقوقك

من حقك تعرف إحنا محتفظين بإيه عنك، وتصحّحه، وتطلب مسحه أو توقف استخدامه في قياس الإعلانات. ابعتلنا على الواتساب فوق أو على [email protected]، من نفس الرقم أو الإيميل اللي سجّلت بيهم (علشان نتأكد إنك صاحب البيانات)، وهنرد خلال أيام قليلة. لو عندك اشتراك أو أقساط شغالة، بنحتفظ بالحد الأدنى اللي محتاجينه للحسابات لحد ما يخلص.

آخر تحديث: أكتوبر 2026.

من الآخر... أنت الليدر

أول ورقة ليك بتبدأ بسؤال واحد.

اختار برنامجك واحجز مكانك، أو كلّمنا ونساعدك تختار.

شوف البرامج واحجز كلّمنا على واتساب

لسه مش جاهز؟ احضر الـ Research Clinic اللايف ببلاش على صفحتنا على فيسبوك.

احجز مكانك واتساب