الشروط وسياسة الاسترداد

قبل ما تحجز: الدفع، والاسترداد، واللي بنلتزم بيه.

الكلام هنا هو اللي بنمشي عليه مع كل طالب. لو عندك أي سؤال قبل الحجز، كلّمنا على واتساب +20 15 57039115.

الأسعار

• PI Fellowship وR Hack وWrite Right: 5,000 جنيه، أو 120 دولار لو بتدفع من بره مصر.
• Research Sprint: 2,000 جنيه، أو 40 دولار لو بتدفع من بره مصر.

الدفع والتقسيط

• طرق الدفع متاحة من جوه مصر ومن بره.
• التقسيط من غير أي رسوم زيادة أو فوايد: PI Fellowship وR Hack وWrite Right بمقدم حجز 800 جنيه، والباقي 1,400 جنيه كل شهر لمدة 3 شهور. Research Sprint بمقدم 650 جنيه، والباقي قسطين كل قسط 675 جنيه خلال شهر و3 أسابيع.
• التقسيط بالجنيه بس. الدفع بالدولار من بره مصر بيبقى مرة واحدة.
• مكانك بيتأكد بعد ما فريقنا يراجع إيصال التحويل ويأكده.
• لو اتأخرت في قسط، ده بيوقف المحاضرات بس لحد ما تسدّده. عمره ما بيأثر على مساهمتك في بحث ولا على اسمك فيه.

سياسة الاسترداد

• تقدر تسترد فلوسك خلال أول 7 أيام من بداية البرنامج، لو البرنامج ماناسبكش أو ظروفك اتغيرت.
• تطلب الاسترداد برسالة على واتساب الحجز.
• بعد أول 7 أيام من بداية البرنامج، الفلوس مش بترجع.

مدة الوصول للمحتوى

• المحتوى متاح سنة كاملة في PI Fellowship وWrite Right، وسنتين في R Hack من أول الدبلومة.
• في PI Fellowship وWrite Right تقدر تحضر الويف مرتين كمان من غير ما تدفع تاني.
• Research Sprint مدته شهر ونص، وبيخلص بخلاص المشروع.

الشهادات

• PI Fellowship وR Hack وWrite Right: شهادة بساعات CME معتمدة من خلال AACME، وكل ويف بتتعتمد بساعاتها.
• Research Sprint مشروع بحثي مش كورس، فمفيهوش شهادة. اللي بتطلع بيه هو اسمك على ورقة بحثية.

النشر والتأليف

• مش بنضمن النشر. قرار قبول أي ورقة في إيد المجلة لوحدها.
• في Research Sprint: لو ورقتك اتعطلت أو اترفضت، بندخّلك مشروع بديل من غير أي مقابل، ونفضل معاك لحد ما أول ورقة ليك تتقبل.
• اسمك وترتيبه على الورقة على قد مساهمتك الحقيقية، حسب معايير ICMJE. مفيش أسماء بتتباع ولا بتتشال.
• رسوم تقديم المؤتمرات علينا، ورسوم النشر Open Access كمان ضمن ميزانية النشر السنوية للشركة.

بياناتك

إزاي بنستخدم بياناتك وبنحميها موجود في سياسة الخصوصية.